സാമ്പത്തികമായി പിന്നോക്കം നിൽക്കുന്ന മുന്നാക്കാ വിഭാഗം വിദ്യാർത്ഥികൾക്കായി കേരള മുന്നാക്ക ക്ഷേമ കോർപറേഷൻ നൽകുന്നതാണ് വിദ്യ സമുന്നതി സ്കോളർഷിപ്പ്.
യോഗ്യത
അപേക്ഷകർ കേരളത്തിലെ സംവരണേതര വിഭാഗങ്ങളിൽ പെട്ടവർ ആയിരിക്കണം. (OBC, SC, ST വിഭാഗങ്ങളിലെ വിദ്യാർത്ഥികൾക്ക് അപേക്ഷിക്കാൻ സാധിക്കില്ല.)
* അപേക്ഷകരുടെ കുടുംബ വാർഷിക വരുമാനം നാല് ലക്ഷം രൂപയിൽ താഴെ ആയിരിക്കണം.
* ഓരോ വർഷവും പ്രത്യേകം അപേക്ഷ സമർപ്പിക്കേണ്ടതാണ്.
മറ്റു യോഗ്യതകൾ
1. ഹൈസ്കൂൾ സ്കോളർഷിപ്പ്
* സർക്കാർ / എയ്ഡഡ് സ്കൂളുകളിൽ പഠിക്കുന്നവർ ആയിരിക്കണം.
* മുൻ വാർഷിക പരീക്ഷയിൽ 70% മാർക്ക് നേടിയിരിക്കണം.
2. ഹയർസെക്കണ്ടറി സ്കോളർഷിപ്പ്
* സർക്കാർ/ എയ്ഡഡ് സ്കൂളുകളിൽ പഠിക്കുന്നവർ ആയിരിക്കണം.
* SSLC / തത്തുല്യ പരീക്ഷയിൽ 70% മാർക്ക് / B+ ഗ്രേഡ് നേടിയിരിക്കണം.
3. ബിരുദ തലം സ്കോളർഷിപ്പ്
* കേരളത്തിലെ സർക്കാർ, എയ്ഡഡ്, സ്വാശ്രയ സ്ഥാപനങ്ങളിലെ വിദ്യാർത്ഥികൾക്കും അഖിലേന്ത്യ തലത്തിൽ നടത്തപ്പെടുന്ന പ്രവേശന പരീക്ഷ വഴി കേരളത്തിന് പുറത്ത് പ്രവേശനം നേടുന്ന വിദ്യാർത്ഥികൾക്കും അപേക്ഷിക്കാവുന്നതാണ്.
* ഹയർ സെക്കണ്ടറി/തത്തുല്യ തലത്തിൽ 70% മാർക്ക് /തത്തുല്യ ഗ്രേഡ് നേടിയിരിക്കണം.
4. ബിരുദാനന്തര ബിരുദ തലം സ്കോളർഷിപ്പ്
* കേരളത്തിലെ സർക്കാർ, എയ്ഡഡ്, സ്വാശ്രയ സ്ഥാപനങ്ങളിലെ വിദ്യാർത്ഥികൾക്കും അഖിലേന്ത്യ തലത്തിൽ നടത്തപ്പെടുന്ന പ്രവേശന പരീക്ഷ വഴി കേരളത്തിന് പുറത്ത് പ്രവേശനം നേടുന്ന വിദ്യാർത്ഥികൾക്കും അപേക്ഷിക്കാവുന്നതാണ്.
* സയൻസ് വിഭാഗം വിദ്യാർത്ഥികൾ ഡിഗ്രി തലത്തിൽ 60% മാർക്കും മറ്റു വിഭാഗം വിദ്യാർത്ഥികൾ 55% മാർക്കും എങ്കിലും നേടിയിരിക്കണം.
5. CA, CMA, CS സ്കോളർഷിപ്പ്.
* ഇന്റർമീഡിയേറ്റ്/എക്സിക്യൂട്ടീവ് തലം പൂർത്തിയാക്കിയവർ ക്ക് അപേക്ഷിക്കാം.
* പരമാവധി 2 തവണ ലഭിക്കാം.
6. ദേശീയ സ്ഥാപനങ്ങൾ
* വിദ്യാഭ്യാസ സ്ഥാപനത്തിൽ നിന്ന് നൽകുന്ന സാക്ഷ്യപാത്രം, ഫീ റെസിപ്റ്റ് എന്നിവയുടെ അടിസ്ഥാനത്തിൽ ട്യൂഷൻ ഫീ, കോഴ്സ് ഫീ,ഹോസ്റ്റൽ ഫീ (മെസ്സ് ഒഴികെ) പരമാവധി 50,000 രൂപ വരെ റീ ഇമ്പ്ഴ്സ് ചെയ്യും.
7. ഡിപ്ലോമ തലം സ്കോളർഷിപ്പ്
* കേരളത്തിലെ സർക്കാർ, എയ്ഡഡ്, സ്വാശ്രയ സ്ഥാപനങ്ങളിലെ വിദ്യാർത്ഥികൾക്കും അഖിലേന്ത്യ തലത്തിൽ നടത്തപ്പെടുന്ന പ്രവേശന പരീക്ഷ വഴി കേരളത്തിന് പുറത്ത് പ്രവേശനം നേടുന്ന വിദ്യാർത്ഥികൾക്കും അപേക്ഷിക്കാവുന്നതാണ്.
* SSLC / തത്തുല്യ പരീക്ഷയിൽ 60% മാർക്ക് നേടിയിരിക്കണം.
8. PhD തലം സ്കോളർഷിപ്പ്.
* കേരളത്തിലെ സർവ്വകലാശാലകളിലെ വിദ്യാർത്ഥികൾക്കും അഖിലേന്ത്യ തലത്തിൽ നടത്തപ്പെടുന്ന പ്രവേശന പരീക്ഷ വഴി കേരളത്തിന് പുറത്ത് പ്രവേശനം നേടുന്ന വിദ്യാർത്ഥികൾക്കും അപേക്ഷിക്കാവുന്നതാണ്.
* PG തലത്തിൽ 55% മാർക്ക് എങ്കിലും നേടിയിരിക്കണം.
💰സ്കോളർഷിപ്പ് തുക
* High School: 2,500/-
* Higher Secondary:4,000/-
* Degre (Professional):8,000/-
* Degree ( Non-Professional):6,000/-
* PG (Professional):16,000/-
* PG (Non-Professional):10,000/-
* CA /CMA/CS: 10,000/-
* Diploma/ Certificate Courses: 6,000/-
* Ph.D: 25,000/-
* National Institutions: upto 50,000/-
📅അപേക്ഷിക്കാനുള്ള അവസാന തിയതി : 4 നവംബർ 2025
🔗 അപേക്ഷ വെബ്സൈറ്റ്: https://www.schemes.kswcfc.org/
🗃️അപേക്ഷിക്കാൻ ആവിശ്യമായ രേഖകൾ എന്തെല്ലാം?
* ജാതി തെളിയിക്കുന്ന രേഖ.
* കുടുംബ വരുമാന സർട്ടിഫിക്കറ്റ്
* മാർക്ക് ലിസ്റ്റ്.
* പഠിക്കുന്ന സ്ഥാപനത്തിൽ നിന്നുള്ള സർട്ടിഫിക്കറ്റ്. (മാതൃക https://www.schemes.kswcfc.org/instcertificates)
* ബാങ്ക് പാസ്ബുക്ക് പകർപ്പ്.
* റേഷൻ കാർഡ് പകർപ്പ്.
* SSLC സർട്ടിഫിക്കറ്റ് പകർപ്പ്.
* Enrolment സർട്ടിഫിക്കറ്റ് (CA, CMA, CS സ്കോളർഷിപ്പ്)
* Guide സർട്ടിഫിക്കറ്റ് (PhD സ്കോളർഷിപ്പ്)
അപേക്ഷിക്കേണ്ടത് എങ്ങനെ?
* അപേക്ഷകർ ഒറ്റ തവണ മാത്രം നിർബന്ധമായും രജിസ്റ്റർ ചെയ്യേണ്ടതാണ്.
* രജിസ്റ്റർ ചെയ്ത മൊബൈൽ നമ്പറിലേക്ക് ലഭിക്കുന്ന user name & password ഉപയോഗിച്ച് login ചെയ്ത് അപേക്ഷ സമർപ്പിക്കേണ്ടതാണ്.
* ഓൺലൈൻ അപേക്ഷ സമർപ്പിച്ച ശേഷം സ്ഥാപനത്തിൽ പ്രിന്റ് ഔട്ട്‌ സമർപ്പിക്കേണ്ടതില്ല.